धावड्यात एकाच रात्री पाच दुकाने फोडली

 

 

रविवारी सकाळी व्यापारी दुकाने उघडण्यासाठी आले असता चोरीचे प्रकार उघडकीस आले. त्यानंतर व्यापाऱ्यांनी पारध पोलीस ठाण्याला दूरध्वनीद्वारे माहिती दिली. पोलीस उपनिरीक्षक वाल्मीक नेमाने आणि पोलीस कर्मचारी सुनील जाधव व शिवाजी भगत यांनी घटनास्थळी भेट देऊन पाहणी केली. परिसरातील सीसीटीव्ही कॅमेऱ्यांची तपासणी केली असता ते बंद असल्याचे आढळले. चोरट्यांनी सोनल कृषी सेवा केंद्रातून दोन ते तीन हजार रुपये, मेवाड हॉटेलमधून १० रुपयांचे नाणे, गजानन किराणा दुकानातून ५०० रुपये आणि शीतपेय विक्रीच्या दुकानातून सोयाबीन विक्रीच्या रकमेतून सहा हजार रुपये चोरल्याची माहिती देण्यात आली. चोरीसाठी वापरलेली लोखंडी टॉमी आणि काही आगपेट्या चोरट्यांनी अजिंठा-बुलढाणा राज्य महामार्गावरील एका भुसार व्यापाऱ्याच्या दुकानासमोर टाकून दिल्या. पोलिसांनी ही टॉमी ताब्यात घेतली आहे.

व्यापाऱ्यांसोबत पोलिसांची बैठक