डोंगरमाथ्यावर कालिका देवीच्या दर्शनासाठी भाविकांची मांदियाळी!

 

 

उंच डोंगरावरून दिसणारे विहंगम दृश्य आणि परिसरातील नैसर्गिक सौंदर्य यामुळे हे ठिकाण भाविकांसह पर्यटकांनाही आकर्षित करते. देवीवरील श्रद्धेमुळे नवरात्रोत्सवात विशेषतः महिला भाविकांची दर्शनासाठी मोठी गर्दी होत आहे. दररोज सकाळपासूनच भाविक मंदिरात दाखल होत असून, देवीच्या दर्शनासाठी उत्साहाचे वातावरण पाहायला मिळत आहे.

 

 

फराळ आणि पाण्याची व्यवस्था

नवरात्रोत्सवात दर्शनासाठी येणाऱ्या भाविकांची गैरसोय होऊ नये, यासाठी संस्थानच्या वतीने आवश्यक व्यवस्था करण्यात आली आहे. नऊही दिवस भाविकांना फराळाचे वाटप करण्यात येत असून, पिण्याच्या पाण्याचीही व्यवस्था करण्यात आली आहे. धार्मिक कार्यक्रमांमुळे मंदिर परिसरात दिवसभर भक्तिमय वातावरण अनुभवायला मिळत आहे. भाविकांनी मोठ्या संख्येने सहभागी होऊन कालिका देवीचे दर्शन घ्यावे, असे आवाहन संस्थानचे अध्यक्ष डॉ. अरुण पोफळे, उपाध्यक्ष कैलास अक्कर आणि सचिव प्रकाश अनवेकर यांनी केले आहे.