जेष्ठ नागरिकांनी किंवा संभावित रुग्णांनी नियमित आरोग्य तपासणी हाच प्रतिबंध - डॉ.जयश्री भुसारे

 

दरवर्षी २९ ऑक्टोंबर रोजी जागतिक पक्षघात दिन साजरा करण्यांत येतो. याला आपण इंग्रजीमध्ये स्ट्रोक शब्द सामान्यपणे वापरला जातो. वयाच्या ६० वर्षानंतर पक्षघात होण्याची शक्यता असते. परंतु आता २५ ते ५० वर्षे वयोगटातील लोकांना पक्षघात (स्ट्रोक) होत आहे. यावर मात करण्यासाठी त्याची कारणे, प्रतिबंध बाबत जनजागृती माहिती असणे अत्यावश्यक आहे.

स्ट्रोक (पक्षघात) म्हणजे काय- आपल्या शरीरातील मेंदुला रक्तपुरवठा कमी झाल्यामुळे मेंदुच्या ऊतींना ऑक्सीजन व पोषकतत्व मिळत नाहीत. त्यामुळे स्ट्रोक होण्याचा धोका असतो. लक्षणे :- लकवा येणे, तोंड वाकडे होणे, बोलतांना बोबडी वळणे, एका बाजुच्या हातापायाची ताकद कमी होणे, चालतांना तोल जाणे, झटके येणे.