‘नोकरी मागणारे नव्हे, नोकरी देणारे बना’मॅजिक-आयटीआयचा उद्योजकतेचा मंत्र

 

 

 

 

प्रदीप दुर्गे यांनी विद्यार्थ्यांनी आयटीआय शिक्षणाकडे केवळ नोकरी मिळविण्याचे साधन म्हणून न पाहता उद्योजकतेची संधी म्हणून पाहावे, असे आवाहन केले. ‘नोकरी मागणारे नव्हे, नोकरी देणारे बना’, असा संदेश त्यांनी दिला. पीएम सेतू योजनेअंतर्गत जालना आयटीआयचा समूहामध्ये सहभाग असून, त्यातून कौशल्य विकासाच्या पायाभूत सुविधांना चालना मिळणार असल्याचे त्यांनी सांगितले.

मॅजिकचे संचालक रितेश मिश्रा यांनी ‘कल्पनेपासून उत्पन्नापर्यंत’ ही संकल्पना मांडत विद्यार्थ्यांनी आपल्या कल्पना मॅजिककडे घेऊन याव्यात, त्यांचे व्यवसायात रूपांतर होईपर्यंत मार्गदर्शन व सहकार्य करण्याचा प्रयत्न राहणार असल्याचे सांगितले. प्लंबिंग, इलेक्ट्रिशियन, औद्योगिक गृहव्यवस्था आणि वेल्डिंग या चार अल्पकालीन कौशल्य प्रशिक्षण अभ्यासक्रमांची सुरुवात लवकरच करण्यात येणार असल्याचे त्यांनी सांगितले.

मॅजिकचे व्यवस्थापकीय संचालक प्रसाद कोकिळ यांनी शालेय विद्यार्थ्यांमध्ये लहान वयातच नवोन्मेष आणि उद्योजकतेची जिज्ञासा निर्माण करण्याची गरज व्यक्त केली. जालना व छत्रपती संभाजीनगर जिल्ह्यांत सुमारे १२ अटल टिंकरिंग प्रयोगशाळा उभारण्यासाठी मॅजिकने पुढाकार घेतल्याचे त्यांनी सांगितले. मराठवाड्यातील आठ जिल्ह्यांतील १४६ अटल टिंकरिंग प्रयोगशाळांच्या समन्वयाची जबाबदारीही मॅजिककडे सोपविण्यात आली आहे. प्रत्येक प्रयोगशाळेत विद्यार्थ्यांनी वस्तू उघडून त्यामागील तंत्रज्ञान समजून घ्यावे, यासाठी ‘जिज्ञासा कक्ष’ विकसित करण्याची संकल्पनाही त्यांनी मांडली.

 ‘कल्पनेपासून उत्पन्नापर्यंत’ उद्योजकतेचा संदेश

 

 

कल्पनेपासून उत्पन्नापर्यंत..

विद्यार्थ्यांनी आपल्या कल्पना आमच्यापर्यंत आणाव्यात. त्या कल्पनेचे व्यवसायात रूपांतर होईपर्यंत मार्गदर्शन, मार्गदर्शकांचे सहकार्य आणि आवश्यक मदत देण्याचा प्रयत्न मॅजिक करणार आहे. विद्यार्थ्यांच्या कल्पनांना केवळ स्पर्धेपुरते मर्यादित न ठेवता त्यांचे प्रत्यक्ष उद्योगात रूपांतर व्हावे, यासाठी प्रयत्न केले जातील.