नंदापूर येथे भीषण आगीत उबाळे कुटुंबाचे संसारोपयोगी साहित्य, कापसासह धान्य व ऐवज जळून खाक

 

या आगीत घरात साठवून ठेवलेला ५० क्विंटल कापूस, ४० क्विंटल सोयाबीन, २५ क्विंटल गहू, १० क्विंटल ज्वारी तसेच विविध खाद्यपदार्थ आणि इतर मौल्यवान वस्तू आगीच्या भक्ष्यस्थानी पडल्या. आगीची तीव्रता एवढी मोठी होती की, घरातील कोणतीही महत्त्वाची वस्तू शिल्लक राहिली नाही. आयुष्यभर कष्ट करून उभा केलेला संसार क्षणात राख झाल्याने उबाळे कुटुंबावर दुःखाचा डोंगर कोसळला आहे.या दुर्दैवी घटनेची माहिती मिळताच जालना विधानसभा मतदारसंघाचे आमदार अर्जुनरावजी खोतकर यांनी उबाळे कुटुंबाच्या दुःखात सहभागी होत तातडीने एक लाख रुपयांची आर्थिक मदत दिली. या मदतीच्या माध्यमातून संकटाच्या काळात उबाळे कुटुंबाला आधार देण्याचा आणि त्यांना पुन्हा नव्याने उभे राहण्यासाठी बळ देण्याचा प्रयत्न करण्यात आला.

युवा सेनेचे महाराष्ट्र सचिव अभिमन्यू  खोतकर यांच्या हस्ते देण्यात आली.आज अभिमन्यू खोतकर यांनी या कुटुंबांना भेट दिली नुकसानीची पाहणी केली.याप्रसंगी प्रशासनाच्या वतीने उपविभागीय अधिकारी रामदासजी दौंड, तहसीलदार राजू निहाळ आणि डीवायएसपी श्री. अनंत कुलकर्णी यांची उपस्थिती होती.यांनीही घटनास्थळी उपस्थित राहून परिस्थितीची पाहणी केली. शासनाने देखील या संकटात सापडलेल्या शेतकऱ्यांना तातडीने मदत करावी अशा स्वरुपाच्या सुचना आ. खोतकर यांनी प्रशासनाला केल्या.