मराठवाडा चेंबर ऑफ ट्रेडच्या उपाध्यक्षपदी लोया, सचिव दाड

व्यापाऱ्यांच्या प्रश्नांसाठी प्रभावी लढा उभारणार : श्याम लोया

नवनिर्वाचित वरिष्ठ उपाध्यक्ष श्याम लोया यांनी मराठवाड्यातील व्यापारी वर्गाच्या हितासाठी प्रभावीपणे काम करण्याचा निर्धार व्यक्त केला. व्यापारी हिताचे धोरण राबविणे, शासनाशी सातत्यपूर्ण समन्वय साधणे, व्यापाऱ्यांच्या विविध समस्या व अडचणींना प्राधान्याने न्याय मिळवून देणे, तसेच चेंबरच्या सदस्यांसाठी अधिक उपयुक्त आणि परिणामकारक उपक्रम राबविण्यावर भर दिला जाईल, असे त्यांनी सांगितले. मराठवाड्यात व्यापारवृद्धीसाठी पोषक वातावरण निर्माण करण्यासाठी चेंबर कटिबद्ध राहील, असा विश्वासही त्यांनी व्यक्त केला.